Республикалық физика-математика мектебі “Шеврон” компаниясының қолдауымен жаратылыстану-математика пәндерінің мұғалімдеріне, сондай-ақ мектеп басшыларына кәсіби құзыреттіліктерді оқыту курсын өткізді. Үш күндік оқу курсы 2021 жылдың 11-13 тамыз аралығында Нұр-Сұлтан қаласында өтті.
Үш күн ішінде оқытушылар жобалық оқыту, білім беру үдерістерін жеңілдету, STEM пәндерін оқыту контекстіндегі өзгерістерді басқару және ғылым мен өнерді біріктіру бағыттары бойынша семинар-практикумдарға қатысты. Отандық және шетелдік білім беру мамандары қатарындағы сарапшылардың курстарына Қазақстанның барлық өңірлерінен 100-ден астам педагог қатысты. Барлық семинарлар RFMS youtube каналында онлайн режимінде эфирге шықты.
Курстың мақсаты STEM саласындағы білім беру бағдарламалары туралы хабардарлықты арттыру және озық халықаралық тәжірибелерді енгізу болды.
Бағдарлама аясында келесі бағыттар бойынша сессиялар өткізілді:
- білім беру курстарын жобалау;
- STEM жобасын оқыту;
- көшбасшылық және мектепті басқару түрлері;
- STEM технологиялары;
- білім берудегі ынталандыру құралдары;
- өзгерістерді басқару;
- STEM бойынша шет тілдерін үйрену
Барлық кезең бойы инфекцияны болдырмау үшін санитарлық нормалар сақталып, вакцинация паспорты немесе жарамды ПТР тестінің нәтижесі болуы үшін қатысу талап етілді.
Толығырақ біліңіз: https://stemteachers.kz/
