Астана қаласында 2018 жылғы 3 қарашада жастардың YPO-Kazakhstan бизнес-форумы өтіп, онда қазақстандық бизнестің көшбасшылары жас кәсіпкерлермен өздерінің тәжірибелік кеңестерімен және кейстерімен бөлісті. Аталмыш іс-шараға Қазақстандық YPO чаптерлерінің өзі бастамашы болды.
Бірден YPO мүшелері болып табылатын бес қазақстандық бизнесмен форумның спикерлері болды: Lancaster Group директорлар кеңесінің төрағасы және акционері Берік Қаниев, BI Group директорлар кеңесінің төрағасы және акционері Айдын Рахимбаев, Altyn Kyran Group бақылау кеңесінің төрағасы және акционері Исламбек Салжанов, CEO Globalink Logistics Сиддик Хан және Forbes Kazakhstan баспагері Арманжан Байтасов. YPO-әлемдегі бизнес көшбасшыларының ең ірі қауымдастығы. Жиналған қауым ірі қазақстандық компаниялардың өсіп, өркендеу тарихын, спикерлердің бизнесті жүргізу жолындағы жинақтаған жеке тәжірибелері мен кеңестерінен құралған әңгімелерін тыңдаудың сәті түсті. Еліміздің анағұрлым ықпалды бес кәсіпкері алғаш рет қазақстандық жастармен өз жетістіктерінің тарихымен бөлісті
Осы форумның барлық спикерлері — бизнес көшбасшыларының әлемдегі ең ірі қауымдастығының мүшелері. Берік Қаниев, форумды ұйымдастырушы— YPO, бұл — 130-дан астам елде 25,000 қатысушысы бар халықаралық ұйым. Өз ісінде діттеген мақсаттарына, көрнекі сәтті нәтижелерге қол жеткізген барлық бизнесмендер YPO-ға қосыла алады. Бұл ұйым әрбір елде үлкен отбасы іспетті және ауқымды желілік платформа қызметін атқарады.
Берік Қаниев өз сөзінде бизнесмен ретіндегі қалыптасу жолы туралы және көпбейінді Lancaster Group холдингтік компаниясының іргетасы қалай қаланғаны туралы әңгіме қозғады. Нұрлан Қаппаров, Ерболат Досаев, Берік Қаниев және Юрий Пак еліміз 1991 жылы тәуелсіздікке қол жеткізгеннен кейін Қазақстанның алғашқы кәсіпкерлерінің қатарында болды. Мектеп табалдырығынан дос болған олар 1990-жы жылдары және 2000-жылдардың басында бірқатар синергиялық кәіпорындарды құрып, кейіннен 2003 жылы Lancaster Group-ты құру жолында өз активтерін, кәсіби білімдерін, іскерлік байланыстарын және тәжірибелерін біріктіру туралы шешім қабылдады.
Қазіргі кезде Берік Қаниев LancasterGroup АҚ Директорлар кеңесінің төрағасы лауазымын атқарады. Жас бизнес көшбасшыларының Young Presidents Organization (YPO) халықаралық ұйымының Қазақстандағы мүшесі болып табылады. Белсенді әлеуметтік қызметті жүргізеді. «Республикалық физика-математикалық мектеп» КЕАҚ (РФММ) Директорлар кеңесінің төрағасы, Мектеп бітірушілер қорының қосарлы құрылтайшысы және Қамқоршылық кеңестің мүшесі болып табылады. Сондай-ақ, «Арлан» футбол клубының құрылтайшысы және төрағасы, «Жас Қыран» балалар жасөспірімдер футболының Республикалық лигасының президенті бола отырып, елімізде балалар-жасөспірімдер футболын дамытуға белсенді қолдау көрсетеді.
Сонымен қатар оның Қазақстан жастарының өкілдерімен бөліскен тәлім-кеңестерін оның сөйлеген сөзіндегі маңызды сәттер ретінде атап көрсетуге болады. Берік Қаниев бизнестің аяқтан тұруы үшін ақша ең басты фактор болып табылмайды деп есептейді – «ақша қажет, бірақ жеткіліксіз». Яғни жеткілікті қаражаттың болуынан басқа сіз оларды дұрыс басқара білуіңіз керек және күшті жақсы команданы жинап, оның жұмыс істеуіне жағдай жасауыңыз тиіс, оларды ынталандыра отырып, өзіңіз де ынталы болуыңыз тиіс, команданың алдына нақты міндеттер қойып, қалай да ілесе жүретін сәтсіздіктер мен жаңсақтықтарға қарамастан көздеген мақсатыңыздан таймауыңыз тиіс, өйткені осы арқылы сіз енді қандай қадам жасау керектігін жақсырақ түсініп, жақсырақ білетін боласыз.
YPO мүшесі Арманжан Байтасовтың сөзінше: «Әрине, YPO қатысушысының мәртебесін алу үшін бірқатар талаптар қойылады. Мысалы, компанияның тауар айналымы кемінде 10 миллион АҚШ долларын құрауы тиіс және компания қызметкерлері штатында кемінде 100 адам болуы тиіс. Сондай-ақ ұйымға қатысушылар бірлескен жобаларды жүзеге асыруға, Қазақстанның бизнес-құрылымын дамытуға жыл сайынғы салымдарын салып отыруы тиіс. Сонымен қатар бизнесмен осы ұйымға қосылу үшін белгілі бір өркендеу деңгейіне жетуі тиіс. Негізгі фактор — жас шектелімі. Кандидаттың жасы 45-тен асып кеткен болса, ұйымға кіру мүмкін емес.»
Жүздеген белсенді маркетологтар, стартап иегерлері мен студенттер бизнесмендердің теңдесі жоқ ақыл-кеңестерін тыңдап, оларға сұрақ қоюдың бірегей мүмкіндіктерін өз мүддесінде пайдалана білді. Спикерлер алғашқы тапқан ақшалары, жаңсақтықтары мен іс жүзінде әрбір бизнесмен қақтығысатын кедергілер туралы әңгімелеп берді.
Форум туралы алғаш айтқан кезде көптеген адамдарда еріксіз мынадай сұрақ туындайды: осыншама табысты адамдарға осы сынды іс- шараларға уақыт жұмсаудың қаншалықты қажеті бар? Бұның жауабы қарапайым – тәжірибелі бизнесмендер күшті компанияны құру үшін алға ұмтылуға итермелейтін белсенді бәсекелестіктің болуы қажет екенін біледі. Бүгінгі таңда жастардың қаншалықты озық екенін және қолдарында қаншама мүмкіндіктің бар екенін бақылай отырып, олар бәсекелестіктің күннен күнге күшейіп келе жатқанын біледі.
Осы ұстанымнан Форумды өз дамуына стратегиялық инвестиция ретінде қарастыруға болады.
Спикерлер – бизнесмендер отансүйгіш әрі әлеуметтік тұрғыда аса жауапты адамдар, олар жастарды уәждендірудің түбінде ұлттық экономиканы сәтті дамытудың кепілі жатқанын біледі. Сұхбаттың өте белсенді болғанына қарай еңді ғана бастап келе жатқан кәсіпкерлер де бұған мүдделі.
Форумға 2000-нан астам адам тіркеліп, олар залда отырып қатысу арқылы және онлайн-платформалардың көмегімен сырттай кәсіпкерліктің көптеген қыр-сырын меңгеруге тырысты. Жастарды көбінесе инвестиция тұрғысынан келешекті салалар, табысты әріптестік талаптары, бизнес қызмет көрсететін жаңа технологиялар, сонымен қатар өзекті трендтер, уәждендіру және команда құру мәселелері қызықтырды.
Форумның спикерлері өз сөздерін барынша мазмұнды жеткізуге және аудиторияға табысты бизнесті құру мен жүргізуге қатысты өз пікірлерін білдіріп, жеке тәжірибесіне сүйене отырып, кеңестер беруге тырысты.
«YPO форумы – теңдесі жоқ оқиға. Шетелдік чаптерлермен бірлескен ивенттер бүкіл әлем бойынша өтізіледі, бірақ бұл ретте клубтың көптеген ішкі іс-шаралары сыртқы аудитория үшін жабық. Мен біздің жинаған біліміміз бен тәжірибеміздің белсенді жас кәсіпкерлерге өз ісінің іргетасын қалауға көмектесетініне сенімдімін. Біз жаттықтырушылар емеспіз – спикерлердің әрқайсысы аяғынан тік тұрған бизнесмендер, сондықтан Форум басты назарды тәжірибелік кеңестерге, яғни олардың бизнесіне нақты пайда алып келуі мүмкін дүниелерге аударған», дейді Айдын Рахимбаев.
Форум өтті және барлық меже бойынша сәтті болып шықты. Бизнес көшбасшылары осылайша Қазақстанда кәсіпкерлікті дамытуға, салауатты бәсекелестік ортасын құруға және жаңа бастап келе жатқан әріптестеріне қолдау көрсетуге өз үлестерін қосады. Қызу кері байланыс жастардың үйренуге және өз күштерін сынап көруге деген құштарлығын көрсетті, дегенмен, Исламбек Салжановтың байқауынша: «Әлем өзгеріп келе жатыр және бизнеске де онымен бірге өзгеру керек». YPO бизнес-форумы жыл сайын өткізілетін іс-шараға айналады. Ұйымдастырушылар оны астанамызда ғана емес, республикамыздың барлық қалаларында ұйымдастыруға сөз беріп отыр.