Қазақстан Тәуелсіздігінің 30 жылдығына орай Республикалық физика-математика мектебі Орал қаласында өңірдегі алғашқы Fizmat Primary Schools мектеп желісін ашты. Бірінші сынып оқушылары алдында Батыс Қазақстан облысының әкімі Ғали Есқалиев пен РФММ басқарма төрағасы Ғабит Бекахметов құттықтау сөз сөйледі. Мектеп астаналық РФММ-де әзірленген және сингапурлық математика, робототехника, STEAM форматындағы өнер және Scratch тілінде блоктық бағдарламалау элементтерін қамтитын Fizmat Primary авторлық бағдарламасын пайдаланады. Primary school форматы бастауыш сынып оқушыларын (1-6 сынып) жоғары сынып оқушыларынан бөлек оқыту мен тәрбиелеуге шоғырландыруға мүмкіндік береді.
Соңғы 5 жылда РФММ бастауыш мектепте STEM экожүйесінің дамуына айтарлықтай үлес қосты. Атап айтқанда:
- бастауыш мектеп оқушыларына арналған FEMO (Fizmat Elementary Math Olympiad) халықаралық олимпиадасы өткізіледі
- сингапурлық математика және мұғалімдерді даярлау тренингтерінің жүйесі енгізілді
- Түркияда жыл сайынғы IFSS(International Fizmat Summer School) Халықаралық жазғы лагері ұйымдастырылды
- бастауыш мектептің үш тілді мұғалімдерін даярлау үшін STEM College педагогикалық институты құрылды
"Біздің мектеп РФММ отбасының ажырамас бөлігі болып табылады. Уақыт өте келе Оралда Fizmat Primary бастауыш мектепте STEAM пәндерін оқытудағы инновациялар мен трендтердің орталығына айналады. Бізде барлық пәндер бойынша өте жақсы педагогикалық құрам бар – бұл 30 жылдық тәжірибесі бар тәжірибелі педагогтар және шетелде оқыған жас мұғалімдер. Оқыту қазақ және орыс тілдерінде жүргізіледі, бірақ іс жүзінде – үш тілде, себебі ағылшын тілі біздің мектепте маңызды рөл атқарады."- деді Fizmat Primary Uralsk директоры Азамат Керейбаев.
Негізгі пәндерден басқа, мектепте балалар дебатқа, олимпиадаға, шахматқа және шығармашылық үйірмелерге қатысады. Конкурстық іріктеу нәтижелері бойынша мектепке 1-ші және 2-ші сыныптарға 65 оқушы қабылданды. Байқауға барлығы 358 үміткер қатысты. Оралдағы Конкурс елордадағы көрсеткіштерден айтарлықтай артта қалмайды, онда әрбір оныншы үміткер ақылы бастауыш мектепке түседі.
1972 жылы Алматы қаласындағы РФММ негізін қалаушылардың бірі БҚО Бөкей ордасы ауданының тумасы академик Асан Тайманов болды. Мектепті 50 жылға жуық уақыт ішінде 8 мыңнан астам түлек бітірді, олардың көпшілігі тек Қазақстанда ғана емес, сонымен қатар одан тыс жерлерде де танымал. РФММ түлектерінің арасында "Атамекен" ҚР ҰКП Төралқа Төрағасы Тимур Құлыбаев, АХҚО басшысы Қайрат Келімбетов, ҰҚК басшысы Кәрім Мәсімов, "Яндекс" негізін қалаушылар Илья Сегалович және Аркадий Волож, ҚР Ұлттық Банкінің басшысы Ерболат Досаев, Lancaster Group Директорлар кеңесінің төрағасы Берік Қаниев және Kaspi Директорлар кеңесінің төрағасы Вячеслав Ким сияқты танымал тұлғалар бар.